Abenduaren 19-20ko partidak, ordutegiak

Urnieta Kadeteak–Hernani Kadeteak
Igandea, 20. 12:00. Urnieta
Urnieta Infantilak–Tolosa C.F.
Larunbata, 19. 11:30. Urnieta
Martutene K.E.–Urnieta Infantil Txiki
Larunbata, 19. 13:45. Martutene
Urnieta Erregionala–Allerru
Larunbata, 19. 17:30. Urnieta
Urnieta Erregionala–Touring C.D.
Larunbata, 26. 16:30. Urnieta
Hernani–Urnieta Jubenilak
Larunbata, 19. 12:00. Zubipe

Abenduaren 12-13ko partidak, emaitzak

Dunboa 3–2 Urnieta Erregionala
Gal. Larunbata, 12. 19:30.
Urnieta Jubenilak
Atseden.
Beasain 2–3 Urnieta Kadeteak
Igartza. Igandea, 13. 12:15.
Urnieta Infantilak 1–3 Kostkas
Urnieta. Larunbata, 12. 11:30.

Abenduaren 5 eta 6ko partidak, emaitzak

Usurbil 1-4 Urnieta jubenilak
Harane. Larunbata 5. 16:00

Tolosa 2-1 Urnieta kadeteak
Usabal. Larunbata 5. 10:00

Urnieta infantila. Atsedena

Azaroaren 28 eta 29ko partidak, emaitzak

Martutene 2 - 0 Urnieta erregionala
Martutene. Larunbata 28. 17:30.

Urnieta jubenilak 3 - 0 Idiazabal
Urnieta. Igandea 29. 16:00.
Golak: Yeray, Iban Bruna, Urru.
Kronika: Ez da historiara pasako larunbateko partida. Zelai erdian huts egin zuten bi taldeek. Hala ere, etxekoak erraz atera zuten aurrera partida. Gorritxoek eman zioten zelai erditik hasiera partidari, eta Idiazabalgoek baloirik ukitu baino lehen iritsi zen lehenengo gola. Gol ugari izango ziren itxura hartu bazuen ere partidak, lehenengo zati osoan ez zen gehiago ikusteko aukerarik izan. Bigarren zatian jokoak bide berdinetik jarraitu zuen, baloi luzeak alde batera eta bestera eta gol aukera bakarrak etxeko taldeak egin eta alferrik galtzen zitueneak. Hala ere, partida bukatu aurretik nola edo hala beste bi gol egitea lortu zuten. Idiazabalgoak erakutsi zuten zergatik diren sailkapenaren azken postuaren jabe. Franen mutilak garaipen honekin ia ziurtaturik dute igoera faserako sailkatzea. Larunbatean Usurbilen jokatuko duten partidan erabakia geratu liteke sailkatze hori.

Urnieta kadeteak 1 - 1 Idiazabal
Urnieta. Igandea 29. 10:30.

Euskalduna 0 - 1 Urnieta infantilak
Allurralde. Larunbata 28. 11:00.

Urnieta infantil txiki 3 - 0 Ekintza
Urnieta. Larunbata 28. 12:00.

Azaroaren 21 eta 22ko partidak, emaitzak

Urnieta erregionala 2 - 1 Usurbil
Urnieta. Larunbata 21. 16:00

Mundarro 1 - 2 Urnieta jubenilak
Zarkumendegi. Larunbata 21. 15:30

Golak: Iban Bruna, Endika Garcia.

Kronika: Ez zen izan partida ikusgarria larunbatekoa, Astigarragako belar naturaleko zelaiak ez baitu luzimendurako aukera handirik ematen. Gauzak horrela, bi taldeek aireko jokoa egin zuten. Lehenengo zatian etxeko taldea nagusitu zen jokoan baina gorritxoak aurreratu ziren markagailuan Ibanek egindako gol polit batekin. Bigarren zatian Mundarrokoek partidaren bila atera ziren lehenengo minututik eta urnietarrak atzean sendo eutsiz eta kontraerasora jokatuz emaitza mantentzen saiatu ziren. Partida bukaeratik gertu zela berdinketaren gola iritsi zen, orduan Franen mutilak aurrera jo zuten eta baita garaipena emango zien bigarren gola lortu ere. Garaipen honekin igoera fasea jokatzeko urrats sendoa eman zuten.

Intxurre 0 - 3 Urnieta kadeteak
Elorri. Larunbata 21. 11:00

Urnieta infantilak 5 - 5 Billabona
Urnieta. Larunbata 21. 11:30

Intxaurrondo 1 - 6 Urnieta infantil txiki.
Matigoxotegi. Larunbata 21. 13:00

Azaroaren 14 eta 15eko partidak, emaitzak

Roteta 1 - 1 Urnieta erregionala
Herrera. Larunbata 14. 17:30

Urnieta Jubenilak 2 - 1 Intxurre
Urnieta. Larunbata 14. 16:00
Golak: Iban Bruna, beren atean.
Kronika: Joko maila ezberdineko bi talde ikusi genituen larunbateko partidan. Hasieratik etxeko taldea, baloia ondo mugituz, jaun eta jabe izan zen jokoan. Hala ere, ez zuten jakin izandako aukera ugariak aprobetxatzen eta behin eta berriz atezainaren eskuetara edo kanpora joaten ziren jaurtiketak. Atsedenaldira golik gabeko berdinketarekin iritsi ondoren, bigarren zatian iritsi zen etxekoen lehenengo gola. Orduan jokatu zituen Alegiko taldeak minuturik onenak eta berehala lortu zuten berdintzea. Handik aurrera gorritxoak berriro partidaren jabetza hartu zuten baina golik ezin eginik jarraitu zuten. Azkenean Intxurreko defentsa batek bere atean sartutako golak eman zien garaipena. Garaipen honekin hirugarren postuan jarraitzen dute baina asteburuan Astigarragako Mundarro talde gogorra izango dute aurrean.

Urnieta kadeteak 2 - 3 Euskalduna
Urnieta. Larunbata 14. 11:45

Urnieta infantilak 1 - 2 Aralar Intxurre
Urnieta. Larunbata 14. 10:15

Urnieta infantil txiki. Atsedena.

Azaroaren 7ko partidak, emaitzak

Urnieta erregionala - Touring
Urnieta. Larunbata 7. 16:00 (zintzilik)

Segura 4 - 3 Urnieta jubenilak
Alustiza. Larunbata 7. 16:00
Golak: Endika Garcia (2), Ander Hernandez.
Kronika: Haize hotz eta euripean jokatutako partida beroa izan zen. Bi taldeak zelairatu ziren garaipenaren bila eta lehia bizia ikusi ahal izan zen. Zelaiko ur putzu ugariek ez zuten utzi joko ikusgarririk egiten eta ondorioz joko luzea eginez aritu ziren bi teldeak. Etxekoak errazago iristen baziren ere urnietarren atera, hauek izan ziren lehenak gola egiten. Segurako taldeari gol bat anulatu ondoren aldeko penalti batean berdinketaren gola egin zuten. Franen mutilak gogo berdinarekin jokatzen jarraitu zuten eta urrutiko jaurtiketa batekin berriro aurreratu egin ziren. Hala ere, atsedenaldirako etxekoek berdintzea lortu zuten. Bigarren zati mugituan berriro urnietarrak aurrea hartu zuten. Arbitroak adierazi gabe utzitako penalti bat eta bi jokalari kanporatu izana erabakiorra izan zen azken emaitzan. Seguragoak 10ekin eta Urnietakoak 9rekin jokatzen ari zirela etorri ziren etxekoen azken bi golak eta garaipena. Azken boladan ohikoa bihurtzen ari da arbitroari "hitz egiteagatik" urnietarrak txartelak ikustea.


Urnieta kadeteak. Atsedena.

Tolosa 1 - 12 Urnieta infantilak
Usabal. Larunbata 7. 12:30.

Urnieta infaltil txiki 1 - 5 Martutene
Urnieta. Larunbata 7. 11:30

Urriaren 31ko partidak, emaitzak

Mundarro 2 - 1 Urnieta erregionala
Zarkumendegi. Larunbata 31. 15:30

Urnieta jubenilak 3 - 3 Hernani
Urnieta. Larunbata 31. 16:00
Golak: Endika Garcia, Unai Lizeaga, Dani Gomez.
Kronika: Emozio faltarik ez zen izan larunbatean Urnietako zelaian jokatutako partidan. Hernaniarrak partidaren bila zelairatu ziren eta hainbat aukera sortu ondoren markagailuan aurreratzea lortu zuten. Gorritxoek ondo jokatu gabe berdinketaren gola berehala egin bazuten ere, laster etorri zen kanpotarren bigarren gola (penaltiz) eta baita ere ia hirugarrena langara joan zen baloi batean. Bigarren zatiaren hasiera Hernaniko talde berdearena izan zen berehala egin zuten hirugarren gola. Baina gorritxoak ez ziren lokartu eta aurrera jo zuten artilleria guztiarekin, horrela korner batean lortu zuten bigarren gola, eta partida azkenetan zela, aldeko penalti bat aprobetxatuz, berdinketarena. Beraz, Urnietako partida berdinketarekin amaitu zen eta hontaz lehenengo itzulia amaitu da, 3 partida irabazi, 2 berdindu eta bat galduta sailkapeneko hirugarren tokian daude (ikus sailkapena ezkerreko zutabean). Larunbatean hasiko da bigarren itzulia Seguran jokatuko duten partidarekin. Zorte on eta animo!

Hernani 0 - 0 Urnieta kadeteak
Zubipe. Larunbata 31. 10:30

Urnieta infantilak. Atsedena.

Kostkas 4 - 1 Urnieta infantil txiki
Matigoxotegi. Larunbata 31. 11:30

Urriaren 24 eta 25eko partidak, emaitzak

Urnieta erregionala 3 - 4 Ostadar
Urnieta. Larunbata 24. 16:00

Urnieta jubenila. (Atsedena)

Urnieta kadetea 2 - 3 Beasain
Urnieta. Larunbata 24. 12:00

Urnieta infantila 0 - 1 Euskalduna
Urnieta. larunbata 24. 10:30

Ekintza 1 - 5 Urnieta infantil txiki
Berio. Igandea 25. 12:15

Urriaren 17 eta 18ko partidak, emaitzak

Behobia 0 - 0 Urnieta erregionala
Gal. Igandea 18. 17:30

Urnieta jubenila 2 - 2 Usurbil
Urnieta. Larunbata 17. 17:00
Golak: Iban Bruna, Urru.
Kronika: Usurbildarrak partidaren bila etorri ziren Urnietara eta ia lortu zuten beren helburua. Hala ere etxekoak izan ziren lehenengo gola egin zutenak, baina ez zuen askorik iraun pozak eta atsedenaldira Usurbildarrek lanak txukun eginez bi gol egin eta markagailuan aurrea hartuta joan ziren atsedenaldira. Bigarren zatian gorritxoak hobeto moldatu baziren ere ez zuten ia gol aukerarik sortu. Minutuak aurreratu ahala orduan eta aurrerago jo zuten Franen mutilak eta horrela azken minutuetan lortu zuten berdinketaren gola eta puntu bat salbatzea. Azken bi asteetako partida eskasen ondoren, datorren asteburuan atsedenaldia izango dute.

Urnieta kadetea 1 - 4 Tolosa
Urnieta. Igandea 18. 12:00

Billabona 3 - 1 Urnieta infantila
Arratzain. Larunbata 17. 11:30

Urnieta infantil txiki 1 - 0 Intxaurrondo
Urnieta. Larunbata 17. 11: 30

Urriaren 10 eta 11ko partidak, emaitzak...

Urnieta erregionala 1 - 1 Tolosa

Idiazabal 1 - 3 Urnieta Jubenilak
Golak: Ander Hernandez, Yeray Moreno (2)
Kronika: Joko gutxiko partida borrokatua larunbat arratsaldean Idiazabalgo Arizkorreta zelaian jokatutakoa. Markagailuan urnietarrak aurreratu badira ere atsedenaldirako etxekoek berdinketaren gola lortu dute penaltiz. Bigarren zatia oso mugitua izan da, epaileak hiru jokalari kanporatu ditu, etxeko bat eta Endika eta Dennis urnietarrak. Hala ere, gorritxoek aurrera jo eta Yerayn bi golekin, bat penaltiz, erraz gainditu dute talde goierritarra. Larunbat arratsaldean Usurbilgo taldearen bisita jasoko dute, naiz eta lesionatu ugari izan talde gorritxoa, irabazi eta gora begira jarraitzeko partida egokia dirudi.

Idiazabal 3 -3 Urnieta kadeteak
Golak: Eñaut Lopez (3)

Urriaren 3 eta 4ko partidak, emaitzak

Amara Berri 1–0 URNIETA ERREGIONALA
Martutene. Larunbata 3. 17:30

URNIETA JUBENILAK 2–3 Astigarragako Mundarro
Urnieta. Larunbata 3. 17:30
KRONIKA:
Golak: Endika Garcia eta Aitor Beldarrain.
Larunbat arratsaldean Urnietan jokatutako partidan kanpotarrak merezita nagusitu ziren. Franen mutilak ez zuten asmatu zelai erdiko jokoa antolatzen. Astigarragakoak lehen minutitik partidaren bila atera ziren zelaira, hala ere etxekoak izan ziran lehen gola eginez markagailuan aurrea hartu zutenak. Mundarrokoak ez ziren behera etorri eta bi gol ederri esker atsedenaldirako markagailua alde jarria zuten. Bigarren zatian Urnietakoek berdinketaren gola egitea lortu bazuten ere, azkenean ezin izan zioten berdinketari eutsi eta hirugarren gola jasota amaitu zuten partida. Bigarren zatiaren erdialdera arbitroak etxeko jokalari bat kanporatu zuen. Hamar jokalarirekin eta Sanmielen eraginarekin partida bukaera aldapatsua izan zen gorritxoentzako. Datorren larunbat arratsaldean irabazteko aukera paregabea izango du Urnietako taldeak Idiazabalen jokatuko duen partidan. Eutsi goiari!
URNIETA KADETEAK 7–1 Intxurre
Urnieta. Larunbata 3. 16:00

Irailaren 26-27ko partidak

Euskalduna 2-0 URNIETA KADETEAK
Andoain. Larunbata, 26. 11:30.
Intxurre 2-3 URNIETA JUBENILA
Alegia. Larunbata, 26. 15:30
URNIETA ERREGIONALA 0-2 Gure Txokoa
Urnieta. Ostirala, 25. 19:45.

Irailaren 18-19ko partidak, emaitzak

• URNIETA JUBENILA 5–2 Segura
• Munibe 3–2 URNIETA ERREGIONALA

Futbol denboraldi berriaren atarian

Pablo de Torre
Urnieta Kirol Elkarteko futbol taldeetako koordinatzailea













Denboraldia abian jartzen den bakoitzeko taldeen helburuez hitz egiteko joera dago. Atalaia honetatik talde bakoitzaren helburuez haratago jardungo dut.
Urnieta Kirol Elkartearen (UKE) helburua bilgunea izatean datza, kirol jarduerak ez ditzala jokalariak baldintzatu. Aitzitik, oreka pertsonala izan dezaten lagungarri izan dadila.
Guretzat futbola hezkuntza eremua da, balore ugari eskaintzeko aukera paregabea. Besteak beste:

• Esfortzurako gaitasuna eta nor bere buruaren jabe izatea.
• Kalitatezko joera osasuntsuak.
• Prebentzioa.
• Talde izaera.
• Koherentzia.
• Elkar laguntzea.
• Sozializazioa.
• Ezarritako arauei errespetua.
• Ardura.

Hauek eta beste balore batzuk UKEren osagaiak dira eta oso garrantzitsuak pertsonaren hazkunde, garapen eta heziketan. Horretarako egitura egokia behar da: medioak, giza baliabideak, materiala. Esandako guztia hainbat jokalari, entrenatzaile, eragile eta gurasoengan eragitea lortuko bagenu, zalantzarik gabe gure helburu nagusia beteta legoke.
Horrela bakarrik iritsiko dira golak, garaipenak, ligak, kopak...

Taldez talde, hauexek helburuak:

ERREGIONALA, PREFERENTE MAILA. Joseba Rotetak zuzentzen duen taldeak iaz mailari eusteko azken jardunaldira arte itxaron behar izan zuen. Aurten sailkapeneko lehen bost postuetan egotea nahiko genuke. Egindako aurredenboraldi politean konfidantza handia dugu. Ea hori Ligako sailkapenean gauzatzen den eta denboraldia amaitu bitarte horrela izaten den.

JUBENILAK, LEHEN MAILA. Franek zuzendutako taldeak jokalari talde handiagoa dauka. Gipuzkoako kopa hainbat urtez jokatzen aritu eta gero, Jubenil mailako Ohorezko Mailara igotzeko fasean sartzea nahiko genuke.

KADETEAK, LEHEN MAILA. Jokalari kopuru aldetik laburra da, ziur Luis Herrero entrenatzaileak ahalik eta zukurik handiena aterako diela.

INFANTILAK, LEHEN MAILA. Maila hau garrantzitsuenetakoa da. Aurten bi talde izango ditugu Iker Lizarraldek eta Arkaitz Goyak zuzendutakoa, hurrenez hurren. Hasierako formakuntzarekin ondo asmatuz gero, kirol eta pertsona mailan onena ateratzea lortuko dugu.

INFANTILAK, NESKAK. Formakuntzari garrantzia handia emateaz gain, neska hauek oinarri hartuta emakumezkoen egitura osatu nahi da. Zereginetakoa hori izango da, emakumezkoen futbola egituratzea.

Omenaldia Urnieta Kirol Elkarteari

Egun bereziaren bezperetan, Ismael Hernandez, iazko azaroan 25 urte bete zituen kirol elkarte honen lehendakaria, eta Josu Garmendia, lehendakariordea elkarrizketatu ditu Aiurrik.

Nola sortu zen Urnietako kirol elkartea?
Josu Garmendia: Ordurako eskola-kirola martxan zegoen, bai Egapen, bai Presentacion de Marian. Baita ere, Udaleko kirol batzordean bazegoen zenbait jende arlo hori pixka bat bultzatzen. Ikusita bazeudela bi talde, batez ere Egape ikastolan zegoen eskubaloiko mutilen talde bat eskola-kirolan oso ondo zebilena, eta monjetakoa ere nahiko ondo. Horrek eraman gintuen udaleko kirol batzordean gaia aztertzera eta handik hasi zen bultzatzen talde bat sortzeko ideia. Ikastetxeetako ordezkariak ere parte hartzen zuten bilera haietan. Eta handik sortu zen kirol elkartea.

Hasieratik zaude taldean?
J.G.: Bai, 1991. urtean zinegotzi aukeratua izan nintzenean utzi nuen. Eta Udala utzi nuenetik berriro bertan nabil.

Eta zu Ismael?
Ismael Hernandez: Lehenengo mailako infantil taldearen entrenatzaile moduan hasi nintzen, taldearen lehenengo urtean bertan. Lehenengo bi urteetan infantil mailako taldeekin ibili ginen. Ondoren, jubenil taldea osatu zen Ricardo Fernandez entrenatzaile zela. Taldeekin ibili ondoren, 1992. urtean taldeko lehendakari izan nintzen. Eta duela bost urtetik gaur arte, berriro lehendakari lanetan nabil.

Zer eskaini dio UKEk Urnietako herriari?
J.G.: Adin oso zailetan dauden gazteei okupazio bat. Kirolaren inguruan lagunarte bat sortzen lagundu die askori.

Hasierako helburuak eta oraingoak berdinak al dira?
J.G.: Gaztetxoei aukera bat ematea zen orduko helburua. Orduan 14 urtetik aurrera ez zuten kirola egiten jarraitzeko aukerarik izaten. Futbolean onak zirenak Añorgara joaten ziren. Eta eskubaloian nabarmentzen zirenak Hernanira, eta gainontzekoak herrian gelditzen ziren inongo aukerarik gabe. Oraingo helburua antzekoa da, gazteei herrian kirola egiteko aukera ematea.
I.H.: Bai, baina garaiak aldatzen doaz, orain hori eta zertxobait gehiago eskatzen zaigu. Entrenatzaileen aldetik gauzak asko hobetu dira. Horrek kalitatea ematen du. Urte askotan, Urnietan inguruko herriak baino pixka bat beheraxeago egon izan baikara. Anaia pobrea izan gara.

Krisialdian gaude...
I.H.: Gure diru sarrerarik garrantzitsuena udaletxetik dator, eta aurten murriztu egingo digute eta horrek eragina izango du. Hortik kanpo nabaritzen da gauzak zailago daudela aurten. Beraz, ekonomia aldetik begiratuta urte konplexua izango da.

Epe laburrera proiektu berririk bai?
I.H.: Dagoena mantentzea. Pilotan gero eta jende gehiago dugu; eskubaloia ahulxeago dago, eta indartzea beharrezkoa litzateke, ondo finkatua gera dadin. Futbola, emakumeetan ezik, ondo errotua dago, orain gustatuko litzaidake talderen bat mailaz igotzea.

Erreleboaren beharrik ikusten duzue?
I.H.: Bai. Urte asko dira hemen sartuta. Gustura hartuko nuke erreleboa, beste ikuspuntu batetik hau guztia begiratzeko. Eta baita ere jende berria beharrezkoa delako.
J.G.: Beharrezkoa da taldera aire berria ekartzea, gurea ikusia dago. Beste dinamika batekin etorriko den jendea behar da. Baina egungo egoerari ez diogu irtenbide errazik ikusten, epe motzera, behintzat.

Bukatzeko, pozik omenaldiarekin?
I.H.: Eskertzekoa izango litzateke jende gehiago proiektu honetan murgiltzea, bazkide edo kolaboratzaile moduan. Hala ere, garrantzitsua da herritarrek gure lana errekonozitzen dutela jakitea.

2009ko irailaren 5ean egin zen taldeen aurkezpena

Azken bost urtetan egin den moduan, aurtengoan irailaren bostean egin zen Urnieta Kirol Elkarteko futbol sekzioaren aurkezpena. Urteroko moduan Pablo de Torres, Elkarteko futbol koordinatzailea arduratu zen ekitaldia prestatu eta zuzentzeaz. Eta ohi bezala lan txukuna burutu zuen. Iazko aurkezpena, taldearen 25. urteurrena ospatzen zela eta, berezia izan zen, baina aurtengoa ez zen gutxiago izan.
Egape Dantza Taldeko hamabi neskatxak parte hartu zuten ekitaldian, hainbat dantza eskainiz. Urnietako ereserkiaren erritmora hurbildu ziren kirolariak futbol zelaira. Harmailetan talde guztietako jokalariek bat eginik argazkia egin ostean, dantza taldekoek Agurra dantzatu zieten.
Ondoren, zelaira irten ziren talde guztiak banan bana, bozgorailuetatik jokalarien izen-abizenak esaten zituzten bitartean. Eta taldez-talde argazkiak egiten joan ziren hurbildutako argazkilariak eta kamerekin hurbildu zen hainbat guraso. Egapeko dantzariek distira handia eman zioten ekitaldiari, tarteka eskaintzen joan ziren dantzekin. Bukaeran, ekitaldira hurbildutako ikusleen txaloak jaso zituzten futbolariek zein dantzariek.
Sei izango dira aurtengoan Urnietan futbolean arituko diren taldeak, hauetako bost mutilenak, erregional, jubenil, kadete eta infantil mailakoez gain, aurten lehenengoz bi talde izango dira infantil mailan jokatuko dutenak, horietako bat lehenengo urtekoekin osatutakoa. Nabarmentzekoa da aurten nesken helduen talderik ez dela osatu, baina bai infantil mailakoa. Beraz, beheko mailetatik hasi eta berriro denbora asko baino lehen helduen mailan emakumeen taldea osatzeko asmotan dira.
Aurtengo beste berrikuntza nabarmen bat futbol zelaia bera izango da. Aurreko zelaia, urte luzeetako erabileraren ondorioz oso hondatua zegoen, eta gune batzuetan arriskutsua ere bai. Udan egindako belar artifizialaren aldaketarekin primerako zelaia izango dute hastear den denboraldian.
Aupa UKE!

Erregional mailako taldea, aurreko denboraldiko balorazioa

Aurredenboraldia abuztuaren 4an hasi ondoren, Urnietako talde erregionala maila mantentzeko gai izan zen ligako azken jardunaldian. Sufrimendu, gora-behera eta irregulartasun handiko urtea izan da, baina zorionez, UKE-k berriro ere lehen mailan jokatuko du datorren denboraldian.
Esan bezala, abuztuaren hasieran ekin zioten gorritxoek lanari ilusio handiz eta fitxaketa berriekin. Aurredenboraldi polita egin eta ilusioz beterik ekin zioten liga hasierari. Horrela, lehenbiziko partidetan irudi paregabea eman eta Joseba Rotetaren mutilak sailkapenaren goialdean kokatzeko gai izan ziren. Zoritxarrez, urte bukaera gertu zela, urnietarrak sailkapeneko azken lau taldeen aurka jarraian galdu eta goitik behera erori ziren. Ulertezina den gainbehera honek eragin handia izan zuen denboraldia bukatu arte. Partidatik partidara burua altxatzeko ezintasunak gorritxoak sailkapeneko putzura bidali zituen. Dena galduta zirudienean, taldeak erreakzio bikaina izan eta azken sei partidatan lortutako emaitza zoragarriei esker, mailari eustea lortu zuen azken jardunaldian.

Infantilak, aurreko denboraldiko balorazioa

Abuztuaren erdialdean ekin zioten Urnietako gaztetxoenek lanari. Taldeko jokalaririk gehienak infantil mailan lehen aldiz aritutakoak zirenez, zelai eta baloiaren tamaina eta arau berriei ahalik eta azkarrenen moldatzea hasierako helburu bezala finkatu zen.
Liga erregularrean talde zaila egokitu zitzaion talde gorritxoari eta tamalez sailkapeneko azken aurreko postuan bukatu zuten liga. Lazkao, Euskalduna edo Ordizia bezalako talde indartsuen aurka neurtu zituzten indarrak jokalariek eta itxura polita eman arren, emaitza gehienak ez ziren batere positiboak izan.
Liga eta gero kopa iritsi zen. Aurreko urteko arrakasta lortzea zaila zela jakinda, gorritxoek ilusioz beterik ekin zioten txapelketa honi. Jokalari berriek eskarmentu handiagoa zuten dagoeneko eta nabaritu zen txapelketa honen garapenean. Izan ere, partida politak egin eta puntu pila bat batzeko gai izan ziren. Txapelketaren bukaeran bigarren postu zoragarrian bukatu zuten gorritxoek denboraldi amaiera polita burutuz.