Asteburuko partidak

PREFERENTE 2. taldea | 3. Jardunaldia
LAGUN ONAK C.D. - URNIETA K.E.
26/9/2010. 17:00. GARMENDIPE

1. JUBENILA 5. taldea | 2. Jardunaldia
URNIETA K.E. - OSTADAR K.F.
25/9/2010. 16:00. URNIETA

1. KADETEA 5. taldea | 2. Jardunaldia
URNIETA K.E. - BEASAIN S.D.
25/9/2010. 11:30 URNIETA

F11 KADETEA 3. taldea | 2. Jardunaldia
ANAITASUNA F.T. - URNIETA K.E.
26/9/2010. 11:30. SAN JUAN

LAGUNARTEKOAK
INFANTIL AUNDI
URNIETA K.E. - MARTUTENE
25/9/2010. 10:00. URNIETA

INFANTIL TXIKI
MARTUTENE - URNIETA K.E
25/9/2010. 13:30. MARTUTENE

Iñigo Mendia, Erregional mailako entrenatzailea

Iñigo Mendia (Tolosa, 1982) oso gaztea da. Bere adinetik gorako jokalari, entrenatzaile eta epaile ugarirekin topo egingo du denboraldian. Urnietan lana eta pasioa uztartu ditu, injenieritza eta futbola. "Bertan bizitzen jartzea bakarrik falta zait!" dio irribarretsu, elkarrizketa hasi aurretik.

Urnietako lehen taldera iristen ia azkena izan zara, ezta?
I.M. Azken unean sartu nintzen lehen taldean. Pablo de Torresen bitartez nire lehen asmoa jubenil mailako taldea hartzea zen. Azken unean, ordea, Preferente mailako taldea hartzea proposatu zidaten eta baiezkoa erantzun nien.

Errespetua, beldurra, ardura..., horrelakorik sentitu al zenuen?
I.M. Ez, alde horretatik ez. Erregional mailako beste talde bat entrenatu dut, maila apalagoa zuena. Baina maila horretan esperientzia badut.

Zure adinean ez zarete asko izango...
I.M. Oso gutxi gara, bai.

Zergatik Urnieta?
I.M. Proposamena egin zidaten eta niretzat aurrerapausoa zen. Horregatik etorri naiz Urnietara. Lehen mailako erregional mailatik Gorengora pasako naiz Urnietako taldearekin. Maila batetik bestera teknikoki, fisikoki eta taktikoki aldaketa handiak daude. Baloiarekin gehiago jokatzen da eta jokoa azkarragoa da.

Lehen partida jokatu duzue, zer nolako balorazioa egiten duzu?
I.M. Lehen puntua eskuratu genuen, zapore gazi-gozoarekin amaitu nuen nik. Hasi eta berehala aurkariek sartutako golarekin partida maldan gora jarri zitzaigun. Bigarren zatian egoera aldatu eta berdintzea lortu genuen. Joko aldetik hobeto aritu ginen, aukerak sortu genituen eta soilik bigarrena sartzea falta zitzaigun.

Estrategiaren aldetik lan asko egiten al duzue?
I.M. Nik gustukoa dut, elementu garrantzitsua da. Puntu asko lor daitezke erasoan; eta defentsan lan onari esker baita gol asko saihestu ere.

Jubenilak erabiltzeko asmorik ba al duzu?
I.M. Klubarekin hitz egindakoaren arabera, noizean behin jokalariren bat deitzeko aukera izango dut.

Taldea, pertsonak..., dena berria izango da zuretzat...
I.M. Nire lehen inpresioa ona da, azpimarratzekoa da taldean dagoen batasuna. Hori kontuan hartuta gauza asko lor daitezkeela uste dut.

Urnieta KE elkarteko lehendakariak zure aldeko hitzak izan zituen, konfiantza handia du zugan…
I.M. Horrek gehiago animatzen nau. Taldearekiko konpromiso handiagoa erakusteko eta lan gehiago egiteko gogoa piztu du nigan. Gauzak hobeto eginez ahalik eta puntu gehien lortzea da nire asmoa.

Noraino iristea nahiko zenuke lehen taldearekin?
I.M. Ahalik eta posturik gorenean amaitzea da gure desioa. Ahal dela sailkapenaren erdialdetik gora.

Urnietak jokatuko duen Ligan zein talde nabarmenduko zenituzke?
I.M. Euskaldunaz ezer gutxi dakit. Bestela, Urola taldea nabarmenduko nuke. Talde txukuna osatu du. Iaz Ohorezko mailan Idiazabal taldea zuzendu zuen entrenatzaileak Urolaren ardura hartu du eta badakit berarekin batera hainbat jokalari iritsi dela.
Maila oneko jokalariak dira, klubaren intentzioa mailaz igotzea izango dela argi dago, beraz. Oso talde gogorra izango da.

Urnietako zelaian zer nolako jokoa egin nahiko zenuke?
I.M. Ahalik eta jokorik praktikoena egin nahi dut, nire jokalarien ezaugarrien araberakoa. Zaletuek jakin dezatela jokalariei esan niena, "zelaian sufritu sailkapen nagusian ez sufritzeko".

Asteburuko partidak

GORENGOEN 2. Multzoa 1. Jardunaldia
URNIETA K.E. - ANTZUOLA K.E.
Larunbata 17:30. URNIETA

Kagunartekoak:
Urnieta Kadeteak–Euskalduna
Larunbata 15:45. URNIETA

Euskalduna–Urnieta infantilak
Larunbata 12:00. Andoain

Euskalduna–Urnieta infantil txiki
Larunbata 10:30. Andoain

2010-2011 denboraldia abiatu duten jokalariak

TALDEKO ARGAZKIAK
http://www.aiurri.com/argazkiak.php?id_edukia=14181&id_herria=6&tituloa=Urnieta%20KE%20futbola,%202010-2011

ERREGIONAL MUTILAK
Igor Ugalde / Andoni Olaizagirre / Jon Jabat / Gorka Pardavila / Iker Lizarralde / Andoni Sorron / Jon Sorron / Albert Fuentes / Iñigo Andres / Elias Eguren / Imanol Andres / Julen Larrarte / Jon Telletxea / David Sierra / Ander Paco / Xabier Belver / Mikel Miranda / Xabier Ugalde / Ioritz Bello
Entrenatzailea: Iñigo Mendia. Ordezkaria: Javier Pastor.

JUBENIL MUTILAK
2.- Endika Garcia 3.- Aitor Lizeaga 4.- Asier Atxaga 5.- Asier Paco 6.- Miguel Ramos 7.- Yerai Moreno 8.- Ander Goikoetxea 9.- Josu Sesma 10.- Jon I.Oruna 11.- Manex Alday 12.- Xabier Ansa 14.- Unai Yurramendi 16.- Kaiet Perez 17.- Beñat Zinkunegi 18.- Ruben Castaño 19.- Eñaut Lopez 20.- Alain Moto 21.- Jon Ander Gomez 22.- Ander Hernandez 23.- Beñat Urruzola 24.- Ibai Guzman 25.- Juan C.Solis 26.- Yerai Martin / Aitor Beldarrain
Entrenatzailea: Luis Herrero. Ordezkaria: Juan Mª Esnaola.

KADETE MUTILAK
1.- Joseba Larbide 2.- Lucas Quel 3.- Paul Gordejo 4.- Christian Llamazares 5.- Pablo Santos 6.- Mikel Garmendia 7.- Ander Urruzola 8.- Mikel Imaz 9.- Yerai Garcia 10.- Iker Gorjon 11.- Jokin Agirre 12.- Xuban Ezeiza 13.- Alain Luque 14.- Xabi Urdanpileta 15.- Jon Díez 16.- Aitor Etxart 17.- Julen Arroyo 18.- David Rivero 19.- Imanol Sancerni 20.- Ander Yeregi 22.- Josu Arruarte 23.- Jon Ocampos 24.- Imanol Ansa 25.- Mikel Morales
Entrenatzailea: Txema Sorozabal. Ordezkaria: Juanma Martin.

INFANTIL MUTILAK:
1. Imanol Gomez 2. Koldo Velasco 3. Beñat Goenaga 4. Ivan Galan 5. Jon Moreiro 6. Josu Unanue 7. Alberto Garcia 8. Xabier Beldarrain 9. Ivan Seco 10. Eneko Biain 11. Javier Pastor 14. Imanol Medina 15. Xuban Rosco 16. Ander Amador 17. Xabi Romero 18. Julen Abad 19. Gorka Aldanondo 20. Danel.
Entrenatzailea: Arkaitz Goya. Ordezkaria: Iñaki Susperregi.

INFANTIL MUTILAK, INFANTIL TXIKI:
1.- Ibai Usabiaga 2.- David Cuenca 3.- Jon Perez 4.- Daniel López 5.- Cristian Alfonso 6.- Daniel Cumbres 7.- Mikel Garcia 8.- Jokin Medina 9.- Mikel Martinez 11.- Julen Yurramendi 12.- Borja Arozena 15.- Mikel Goikoetxea 16.- Alen Frutos 17.- Heiko Unanue 18.- Beñat Lizaso 19.- Iñigo Oloveira 20.- Jonathan Añorga.
Entrenatzailea: Iker Lizarralde. Ordezkaria: Jon Jabat.

KADETE NESKAK:
1.- Nerea Ramos 2.- Izaro Pellejero 3.- Ane Iturbe 4.- Ane Iztueta 5.- Arantxa Matxinandiarena 6.- Lorea Barkaiztegi 7.- Olaia Iraola 8.- Nekane Fernandez 9.- Idoia Valverde 10.- Ane Arozena 11.- Maialen Miranda 12.- Arantxa Aira 13.- Alina Arregi 14.- Paula Odriozola 16.- Maria Rengel 17.- Lourdes Gordo 18.- Itsasne Urruzola.
Entrenatzailea: Andoni Olazagirre. Ordezkariak: Agustin Ramos eta Rafa Barkaiztegi.

INFANTIL NESKAK
1.- Celia Fernandez 3.-Ane Sesma 4.-Leire Larrañaga 5.-Lorena Busto 6.- Enara Pellejero 7.-Malen Ezeiza 8.-Irene Legarra 9.-Alba Cabrera 10.-Idoia Cepa 11.-Agate Arregi 12.-Dana Menendez 14.- Naroa Garcia 16.-Lorena Arias.
Entrenatzailea: Iñigo Andres.

Denboraldi berria martxan

Maisu, eredu dira urnietarrak denboraldi atariko aurkezpenei dagokionez. Jokalariei garrantzia emanez, musikaz eta dantzaz alaituriko ekitaldi arina eta ikusgarria antolatu zuten. Pablo de Torres hor zebilen aginduak bati eta besteari ematen. Xabier Ubeda argazkilariak minutu batez “kendu” zion aginte-makila, hainbeste lan ematen duen taldeko argazkia ateratzeko hain zuzen.
Irailaren 4a garrantzitsua izan zen Urnieta Kirol Elkarteko futbol atalarentzat. Goizean burutu zen jubenil mailako Ricard-Begiristain memoriala. Eta, bazkalostean, denboraldiari hasiera ematen dion taldeen aurkezpen-ekitaldia.
Urnietako futbol zelaian bertan Ismael Hernandez lehendakariak 2010-2011. denboraldiaren gakoak zeintzu izango diren eskaini dizkio Aiurri astekariari:

Denboraldi berriari ekiteko gogotsu zaudete?
Ismael Hernandez. Bai, hasiera berezia izaten ari da. Izan ere, aldaketak izan dira egituran. Inoiz baino talde gehiagorekin abiatu gara, zazpi talderekin hain zuzen. Emakumezko bi talde eta mutilen maila ezberdinetan beste bost.
Alderdi teknikoan, arrazoi ezberdinak direla medio, aldaketak egin ditugu. Ikusteko dago aldaketek zer nolako eragina duten baina urte garrantzitsua izango delakoan gaude. Gure aurreikuspenak oso onak dira, talderen batek igoera lor dezake... Ilusio horrekin ekin diogu denboraldi berriari.

Aurrekoa baino hobea izango al da?
I.H. Ilusio horrekin abiatu gara. Egin ditugun aldaketak direla eta ikusteke dago zer gertatuko den. Aldaketak era berean logikoak izan dira. Izan ere zikloak egon ohi dira kirol taldeetan. Baina ilusioa bereziki handia da talde gehienak ia urnietarrez bakarrik osatu direlako.
Behingoz, futbol eskola martxan jarri dugu eta horregatik oso pozik gaude. Oinarri garrantzitsua izango da haur eta gazteen mailako taldeen garapenean.

Estuasun handienak goi mailako taldeetan sortzen dira?
I.H. Bai, aurten zailtasuna entrenatzaile aldaketaren eraginez etorri da. Benetan kosta egin zaigula gure filosofiara egokitutako prestatzaileak aurkitzea. Azken unerarte lanean izan gara, uda osoan. Lortu dugulakoan gaude eta emaitza onak eskuratzea espero dugu.
Erregional mailan aldaketa garrantzitsua eman da. Urnieta KE-ren ikurra da eta lan handia egin beharko da. Bestalde, jubenil mailan oso talde orekatua dugu eta lehen taldearentzat lagungarri izango da.

Preferente mailako entrenatzailearen inguruan, zer esan?
I.H. Iñigo Mendia 28 urteko gaztea da, ilusio handirekin etorri dena. Futbola maite du eta konfidantza eta babesa eman behar diogu. Ni bereziki oso ilusionatuta nago, etorkizun oparoa ikusten diodalako.

Jokalariek zer nola hartu dute hain entrenatzaile gaztea?
I.H. Oso ondo hartu dute. Bat datoz denak, eta alde horretatik oso garrantzitsua da. Taldearen gakoa aldagela da, konpromiso maila handia erakusten ari baitira. Horretan oinarriturik eta jubenilen laguntzarekin helburua lortuko dugulakoan gaude. Esan dudan bezala, lehen taldea gure ikurra da.

Herritarrek ikusten ez duten zenbat lan dago klubaren baitan?
I.H. Uf! Asko eta asko. Denboraldia amaitu zenetik uda osoa eman dugu 2010-2011. denboraldia prestatzen. Entrenatzaile egokiak aurkitzen lan eta lan aritu gara. Taldera murgildu den azken entrenatzailea aurreko astean hitzartu genuen, beraz, hori bera nahiko adierazgarria da.

Zorte on denboraldi berrirako!
I.H. Eskerrik asko.

Argazkiak, taldez talde aiurri.com gunean Argazkiak atalean

Ricardo Fernandez (Ricard) eta Joxe Manuel Begiristain memoriala

Larunbat eguerdian egin zen Urnietako futbol zelaian Ricard eta Begiristainen ohoretan egiten den memorialaren edizio berri bat.
Urtero bezala, bertan izan ziren jubenil mailako Hernani, Urnieta eta Lasarteko Ostadar taldeak. Emaitzak honakoak izan ziren:
Hernani 1 - Urnieta 0;
Hernani 3 - Ostadar 0;
eta Urnieta 2 (Zinku, Josu) Ostadar 0.

Emaitza hauen ondorioz, honela geratu zen sailkapena:
1. Hernani 6 puntu;
2. Urnieta 3 puntu; eta
3. Ostadar 0 puntu.

Jokalari onenaren saria, Urnieta taldeko Goikok jaso du. Sari banaketa ekitaldian Ricardo Fernandez (Ricard) zenaren alargunak eta Joxe Manuel Begiristain zenaren arrebak lore sorta bana jaso zuten. Torneoko hirugarren partida, Perez Lasa 1. mailako arbitro andoaindarrak epaitu zuen.

Txapelketako argazkiak (©Joxeba Lizeaga)

Ricard eta Begiristain memorialak, larunbat honetan

GAZTE MAILAKO FUTBOL TXAPELKETA URNIETAN
Infantilak, kadete-juniorrak
Ricard eta Begiristain memorialak Urnietako Udal futbol zelaian.
Gazte mailako futbol txapelketa
Irailak 4, larunbata
10:00. Urnieta–Hernani.
11:00. Hernani–Ostadar.
12:00. Urnieta–Ostadar.

URNIETA KIROL ELKARTEA, TALDEEN AURKEZPENA
Irailak 4, larunbata
16:00. Futbol taldeen aurkezpena.

ZAZPI TALDE FUTBOLEAN DAGOENEKO LANEAN DIRA DENAK
Urnietako futbol taldeentzat dagoeneko denboraldia hasi da. Kadete, jubenil eta erregional mailako taldeek hilabetea daramate prestaketa lanetan. Lagunartekoak jokatzen ere aritu dira.
Aste honetan, berriz, infantil mailako bi taldeak eta nesken beste bi taldeak hasi dira lanean. Larunbat honetan egingo da talde guztien aurkezpena.

Donosti Cup txapelketako partida ugari Urnietan jokatzen ari dira

Uztailaren 5etik 8ra 25 partida jokatuko dira Urnietako futbol zelaian, bertako eta atzerriko taldeen parte hartzearekin.

Europako, Ameriketako, Afrikako eta Ozeaniako sei mila haur eta gazte parte hartzen ari dira XIX. Donosti Cup txapelketan. Aurreko igandean Anoeta estadioan hasiera eman zitzaion txapelketari eta larunbata bitarte ehunka partida jokatuko da Donostialdean eta Buruntzaldean. Urnietan, zehazki, 25 partida jokatuko dira. Asteazkenean, esaterako, zazpi partida jokatu ziren. Lehenengoan Ar-Be Atletico MM eta Assoc. Naval taldeak aurrez aurre aritu ziren. Jatorri, osaketa eta helburuei erreparatuta oso talde ezberdinak ziren. Ar-Be Atletico MM Donostiako San Patricio ikastetxeko ikasleek osatu dute; Mehmet Bayrakdae entrenatzaileak partida hasi aurretik adierazi zuenez, “Donostia Cup jokatzeko bildu dira denak ere; urtean zehar saskibaloian aritzen dira, bat ezik, Antiguotarrak taldearekin aritzen baita. Txapelketa honetara ondo pasatzera etorri gara. Lehen faseko beste bi partidak galdu egin ditugu eta ez daukagu bestelako asmorik”.
Associacáo Naval 1º de Mayo taldeko Paulinhak, ordea, bestelako asmoa erakusten du, “Portugaleko Figueira de Foz herrikoak gara eta lehen aldiz etorri gara Gipuzkoara. Ilusio handiarekin, gainera. Nazioarteko taldeak ezagutzeaz gain, ahalik eta partida gehien irabazteko asmoz. Aurreko egunetan partida bat irabazi eta beste aberdindu egin dugu eta aurrera jarraitzea espero dugu”.

Futbol eskola martxan da Urnietan

1999 eta 2002 urteen artean jaiotako benjamin eta alebin mailako neska-mutilen formakuntza osatze aldera, futbol eskola martxan jarriko da irailaren hasieran. Jarduera euskaraz burutuko da, titulua duten teknikoen eskutik.

• Tokia: Urnietako futbol zelaia.
• Ordutegia: 16:45-18:00.
• Hasiera: Irailak 6, astelehena.
• Prezioa: 16 euro, hileko.
• Izen emateko azken egun: Ekainak 27.

Denboraldi amaierako afaria

2009-2010 denboraldi amaierako afaria eta sari banaketa Oianumen. Urnieta Kirol Elkarteko kadeteak, Jubenilak eta erregional mailako taldeetako jokalari, entrenatzaile eta jarraitzaileak.

Urnietak mailari eusteko partida gogoangarria jokatu zuen

Urnietako erregional Gorengo edo Preferente mailako taldeak larunbat ilunabarrean Soraluze taldearen aurka penalti jaurtiketan irabazi ondoren mailari eustea lortu du.

• Joaneko partida: Soraluze 0–1 Urnieta.
• Itzulerako partida: Urnieta 0–1 Soraluze.
• Berdinketa eta gero, norgehiagoka erabakitzeko penalti jaurtiketak: Urnieta 4–2 Soraluze.

Futboleko Gipuzkoako Preferente mailako bi multzoetan liga azken-hirugarren tokian bukatu zuten bi taldeek elkarren kontra jokatu zuten nork mailari eutsi eta nor jaitsi erabakitzeko. Aurreko asteburuan Soraluzen jokatutako partidan 0-1eko emaitzaz irabazi zuen Urnietako taldeak eta larunbateko partidan 0-1 irabazi zuen talde plaentxiarrak. Ondorengo luzapenean ez zen golik izan eta penalti jaurtiketetan etxekoen alde hautsi zen berdinketa.

Ez zen ondo hasi partida gorritxoentzat, eta lehenengo zatian nagusi izan ziren soraluzearrak, eta joko hobea erakutsiz markagailuan aurrea hartzea lortu zuten. Atsedenaldiaren ondoren Rotetaren mutilak hartu zuten partidaren agintea baina gol aukera askorik ez zuten sortu eta sortutakoetan ez zuten asmatu. Gauzak horrela, luzapenera jo beharra izan zen. Nekeak gaindituta, borondate handia eta joko eskasa erakutsi zuten bi taldeek, uneoro defentsak aurrelariei nagusitu zitzaizkien eta 120 minuturen ondoren penalti jaurtiketetan zirt edo zart egin beharrean izan ziren. Zozketa egin ondoren kanpotarrei egokitu zitzaien lehenengo jaurtiketa egitea, eta hura barrura joan bazen ere, bigarrena Aritz Sorron, Urnietako atezainak gelditzea lortu zuen eta hirugarrenak zutoina jo ondoren laugarrena sareetara joan zen. Bitartean, urnietarren lau jaurtiketak sareetara joan ziren eta 4-2koarekin ez zen bosgarren penaltia jaurtitzeko beharrik izan. Sufrituta baina helburua lortutako pozarekin amaitu zuten jardunaldia. Zorionak!

JOKALARIEN ADIERAZPENAK
Andoni Sorronek eta Iker Lizarraldek luzaroan gogoratuko dituzte larunbat arratsaldeko norgehiaka amaitezinean bizi izandako tentsioa, estuasuna eta ondorengo poza.

Andoni Sorron
Pozik dago mailari eustea lortu dutelako. Kostata bada ere, hurrengo urtean maila berean lehiatzeko aterako dira zelaira. Lehia erabakitzeko penaltietara iritsi ziren urnietarrak eta soraluzetarrak. Une horretan Andonik atezain postuan zegoen Jon anaiari bi geldiketa egingo zituela esan zion, baita asmatu ere!

Behar bezala ospatu al zenuten mailari eustea?
A.S.Bai, lehenik, partida amaieran ondoko taberna batean ospatu genuen eta gauean Gaztedi jaietan.

Etxetik kanpo irabazi eta Urnietan galdu. Nola uler daiteke?
A.S.Etxeko partidarako 2-3 baja genituen eta hori nabaritu zen. Baina beno, behintzat nahi genuena lortu genuen: irabaztea eta mailari eustea.
Uste baino gehiago kosta zaigu. Bueltako partidarako lasaiago ibiliko ginela espero nuen, baina ez, ondo sufrituta lortu dugu mailari eustea.

Penaltietan zer nolako egoera bizi zenuen? Urduri zeunden?
A.S.Ni bai, urduri nengoen. Anaiari esan nion bi penalti geldituko zituela... baina gu urduri geunden.

Anaiari esandakoa bete zen.
A.S.Bai, bete zen. Eta eskerrak!

Hurrengo urtean jarraitzeko prest?
A.S.Bai, eta taldeko gehientsuenek ere uste dut baietz. Baten batek esan du utziko duela baina gehienak jarraitzeko asmoarekin gabiltza. Ea ez dugun aurten bezain beste sufritzen.

Zer nolako giroa duzue taldean?
A.S.Gure taldean elkarren artean ondo moldatzen gara, giro ona dugu, bai.

Denboraldi hobea egitea espero zenuten?
A.S.Hasieran pentsatzen genuen hobeto ibiliko ginela. Bateko eta besteko zuloan sartu gara baina espero genuen sailkapenean gorago ibiltzea.

Iker Lizarralde
Taldeko beteranoetakoa da. Denboraldi berria Preferente maila galduta hastea ez zuen pentsatu ere egin nahi. Berriro ere liga zailean jarraitzea motibagarria da berarentzat.

Norgehiagoka honetan parez pare ibili zarete, penaltietara iritsi arte.
I.L. Eta egia esan hango partida gurea izan behar zuen. Goitik behera nagusitu ginen, ikaragarria izan zen. Aukera ederra izan genuen 0-3 edo 0-4koa ekartzeko. Haiek baja dexente zituzten eta nabaritu zen. Guk, ordea, baja horiek itzulerakoan izan genituen eta hori ere nabaritu zen.
Han, joanekoan, erraz nagusitu ginen eta hemen ordea oso parekatua izan zen partida.
Penaltietara iritsi ginen eta uf!... ez dugu sekula horrelakorik bizi izan! Zuzenean maila galdu dugu, edo azken partidan mailari eutsi diogu, edota promozioa jokatuta igo edo jaitsi gara... baina penaltietara iristen ginen lehen aldia izan da. Tentsio handiko uneak izan ziren, bai.

Maila galduz gero, zer gerta zitekeen?
I.L.Berriro hastea bezala litzateke, eta hori oso zaila da. Behera jaitsiz gero kosta egiten delako igotzea. Kostata lortu genuen igoera orain hiru urte eta berriro ere jaistea motibazioari dagokionez oso gogorra litzateke. Preferente mailatik behera kirol maila asko jaisten da.

Garrantzitsua izango da taldeari euste aldera, ezta?
I.L.Noski baietz. Motibazioa da beste behin maila honetan jokatzea. Zeren eta beheko mailatan partida asko irabakiko genituzke baina bigarren fasea oso zaila da.
Gorengo edo Preferente mailan gaude berriro eta exigentzia oso handia da, baina hori bera ere motibagarria da.

Denboraldia uste baino kaskarragoa izan al da azkenean?
I.L.Aurredenboraldian fisikoki oso ondo geunden eta maila bikaina eman genuen. Ez dakigu zergatik baina denboraldi hasiera penagarria izan den, emaitza aldetik eta irudi aldetik. Oker ez banago lehen 7 partidatan puntu bakarra lortu genuen. Eta denboraldian zehar horri buelta ematea kosta egiten da.

Hurrengo denboraldian helburua zein izango da?
I.L.Ez sufritzea, hori izango da gure helburua. Azken hiru urteak sufrikario galanta pasa dugu. Aurreko urtean ere azken jardunaldian eutsi genion mailari. Urte lasaia izatea eskatzen diot hurrengoari, ea sailkapeneko erdialdean kokatzen garen.

Abantaila da taldekide gehienak jarraituko duzuela jakiteak...
I.L.Bai, guk deitzen diogun "Guardia Pretoriana" delakoak 7-8 urte daramagu elkarrekin jokatzen. Oinarria beretsua da eta, beraz, abantaila da elkarren ezagutza handia delako. Gure indarguneak eta ahulguneak zeintzu diren badakigu eta hori abantaila da.

Urnieta 1-1 Añorga: Kadeteak penaltietan Kopatik kanpo

Kopako final laurdenak: Urnieta 1-1 Añorga.
Penalti jaurtiketetan Añorgak 5-3 irabazi zuen. Ondorioz Urnietako taldea kanporatua izan da.

Soraluze 0 - 1 Urnieta

Erregional maila, kronika. Larunbat arratsaldean Urnietako erregional gorengo mailako taldeak Soraluzen jokatu zuen mailari eusteko azken aukera ematen dion kanporaketako joaneko partida. Gorengo edo preferente mailako bi multzoetan liga amaieran azken-hirugarren gelditu diren bi taldeek elkarren aurka jokatuz erabakiko baitute nork mailari eutsiko dion eta nor jaitsiko den 1. erregional mailara.
Eta gauzak ezin hobeto hasi dira, 0-1eko ematzarekin etxeratu baitira gorritxoak. Datorren larunbat arratsaldeko 17:45etan Urnietako zelaian jokatuko dute itzulerako partida eta etxeko zaletuen animoekin garaipena lortu eta mailari eustea espero dute. Aupa Urnieta!

Asteburuko partidak, maiatzak 22-23

PREFERENTE maila
SORALUZE–URNIETA
Larunbata, 22. 17:00. Antzuola

JUBENILAK 1.M IGOERA FASEA
SANSE–URNIETA
Larunbata, 22. 19:30. Felix Garin

KADETEAK, KOPA KANPORAKETAK
URNIETA–AÑORGA
Larunbata, 22. 12:00. Urnieta

PARTE-HARTZE INFANTIL TXIKI
URNIETA B–MARTUTENE
Larunbata, 22. 10:30. Urnieta

INFANTIL F-8 NESKAK, KOPA
ARALAR INTXURRE–URNIETA
Larunbata, 22. 11:00. Elorri
Urnieta

Urnietako jubenilak, igoera fasea: Urnieta 1–1 EAS08

URNIETA 1 - 1 EAS 08
Golak: Endika Garcia.
Igoera Fasea, JUBENILAK. Larunbatean euri artean jokatu zuen talde gorritxoak denboraldiko etxeko azken partida. Zelaia blai eginik zegoen eta behetik baloia jokatzea erraza ez zenez partida ez zen ikusgarria izan. Bi taldeen jokoa antzekoa izan zen eta markagailuak bukaeran erakusten zuen berdinketako emaitza zen normalena. Ez zuten gol aukera askorik sortu eta bi atezainak lan gutxi izan zuten larunbatean. Atsedenaldira golik gabeko berdinketarekin joan ondoren bigarren zatiaren amaieran etorri ziren bi golak, etxekoena lehenik bost minuturen faltan eta partidaren azken minutuan bisitariena, zorte txarreko jokaldi batean. Asteburuan Donostian, Sanse, talde liderraren aurka jokatuko duen partidarekin amaituko da aurtengo denboraldia.

Urnietako jubenilak, igoera fasea: Urnieta 3–2 Pasajes

URNIETA KIROL ELKARTEA
Urnieta 3–2 Pasajes
Golak: Dani Gomez, Ion Oruna, Miguel Ramos.
Igoera Fasea, JUBENILAK. Partida borrokatua jokatu zuten jubenil mailako mutilek. Bi taldeek asko borrokatu beharra izan zuten baloiaren jabetza lortzeko. Hala ere, ondo mugitu zuten eta gol aukera dezente izan zituzten.
Lehenengo zatiari ondo jokatuz eman zion hasiera etxeko taldeak, joko polita erakutsi zuen, batez ere ezkerraldetik behin eta berriro egindako erasoko jokaldietan; eta luza gabe iritsi zen lehenengo gola, Ionen jokaldi polit bat Danik buruz sareetara bidalita. Pasaitarrak aurrera jo zuten eta urrutitik egindako jaurtiketa batean berdinketaren gola lortu bazuten ere gorritxoak ez ziren kikildu eta arriskuarekin behin eta berriz aurkariaren ate aurrera iristen ziren, eta lehen zatia amaitu aurretik bigarren gola egin zuen Ionek; aurrez Ibanen erremate bat langara joan zen.
Bigarren zatian, Ibanek atezain moduan jokatu zuen Guti atezainak lanera joan beharra zuelako eta biak ala biak bere eginkizuna ondo baino hobetu bete zuten. Berdinketaren bila atera ziren kanpotarrak eta baita lortu ere. Binako berdinketarekin Franek hainbat aldaketa egin zituen eta urnietarrak partidaren azken zatian izugarrizko ahalegina eginez garaipenaren bila joan ziren, eta 90.minutua ondo pasata zela iritsi zen hiru puntuak emango zizkien gola jokaldi nahasi batean zelairatu berri zen Miguelek atezaina gainditzea lortu zuenean. Partida gogorraren ondoren pozez jaso zuten garaipena jokalari zein entrenatzaileak.
Garaipen honekin eta bi partidaren faltan bosgarren postuan daude eta jada ia eskuraezina da hirugarren postua, batez ere sailkapenean aurretik dauden Real Union eta Baskonia taldeek kategoria altuagoetan jokatzen duten jokalariak erabiltzen dituztelako taldea indartzeko liga amaiera honetan.
Larunbatean etxeko azken partida jokatuko dute Eas talde donostiarraren aurka, aukera polita zaletuei azken garaipen bat eskaintzeko. Aupa Urnieta!

Asteburuko partidak, maiatzak 8-9

Afizionatua
AllerruK.E–Urnieta
Larunbata, 8. 17:00 Zelaia: Plazeta

Jubenila Jubenilen 1.M Igoera Fasea
1. Multzoa 16. Jardunaldia
Urnieta–Pasajes C.D.
Larunbata, 8. 17:30 Zelaia: Urnieta

Kadetea Kadeteen 1.M Kopa
Urnieta–Zarautz K.E.
Larunbata, 8. 10:00. Zelaia: Urnieta

Infantila Parte.Hartze Infantilak Txapeldunen Fasea
Urnieta–Mariño C.D.
Larunbata, 8. 11:30 Zelaia: Urnieta

Infantila Parte-Hartze Infantil Txiki Txapeldunen F.
Urnieta–Zarautz K.E.
Larunbata, 8. 16:00 Zelaia: Urnieta

Intxaurrondo 2 - 2 Urnieta jubenilak

Intxaurrondo 2 - 2 Urnieta
Golak: Mikel Miranda, Asier Paco.
IGOERA FASEA, JUBENILAK. KRONIKA: Partida txarra ikusi zen larunbatean Matigoxotegi futbol zelaian. Intxaurrondok eta Urnietak ez zuten jokorik erakutsi eta gol aukera gutxi sortu zituzten.
Lehenengo zatian, falta asko egin zituzten, batez ere etxeko taldeak, eta joko zikin horren ondorioz jokalari batek txartel gorria ikusi zuen eta lauk horia. Jokoari dagokionez, etxekoak urrititik jaurtitako baloi bat sareetara bidaliz gol batez aurreratu ziren.
Bigarren zatian, berriz, gorritxoak aurreratuago jokatu bazuten ere ez zuten arrisku handirik sortzen eta berriro etxeko taldea izan zen gola egin zuena zorte txarreko jokaldi batean. Partidaren azken zatian aldeko penalti bat aprobetxatuz iritsi zen lehenengo gola eta partidaren azken jokaldian, falta bat errematatuz, atezain lanetan aritu zen Asierren gola. Ezer gutxirako balio duen berdinketaren ondoren larunbatean Pasajes taldeari irabaztea beste aukerarik ez da geratzen ia eskura ezina den hirugarren postura hurbiltzeko.

Asteburuko partidak, maiatzak 1-2

Jubenila Jubenilen
Igoera Fasea
Intxaurrondo –Urnieta
Larunbata, 1. 17:15, Matigoxotegi

Miren Bihotza–Urnieta Inf Txiki
Larunbata, 1. 10:30, Matigoxotegi

Urnieta SenM–Dunboa
Larunbata, 1. 12:15, Urnieta

Urnieta InfM–Oiartzun
Igandea, 2. 09:15. Urnieta

Urnieta KadM–Ikasberri
Igandea, 2. 10:45. Urneita

Urnietako jubenilak, igoera fasea: Urnieta 2–2 Behobia

Urnieta 2–2 Behobia
Golak: Dani Gomez, Unai Lizeaga.
Igoera Fasea, JUBENILAK. Partida borrokatua eta erritmo bizikoa jokatu zuten Urnietako jubenilek. Lehenengo zatian eroso samar jokatuz eta baloia atzetik jokatzen hasiz gol aukera ugari sortu zituzten. Tamalez, bat ere ez zen sareetara joan. Horrela, atsedenaldira golik gabeko berdinketarekin joan ondoren, bigarren zatian etorri ziren golak. Behobiarrak izan ziren aurrea hartu zutenak baina berehala izan zuten gorritxoak aldeko penalti argi bat eta Danik ez zuen hutsik egin. Berriro kanpotarrak aurreratzea lortu bazuten ere, korner baten hantzeko diren Manexen alboko sakea Unaik buruz errematuta iritsi zen berdinketa. Partidaren azken jokaldian etxekoek hirugarren gola egiteko aukera paregabea galdu zuten, eta puntu banaketarekin amaitu zen larunbatekoa.

Asteburuko partidak, apirilak 23-24

Urnieta JubM–Behobia
Igoera fasea
Larunbata, 24. 16:00. Urnieta

Urnieta Erregionala–Martutene
Larunbata, 24. 17:45. Urnieta

Mutriku Txiki–Urnieta KadM
Larunbata, 24. 16:00. San Miguel

Sanse–Urnieta InfM
Larunbata, 24. 09:00. Felix Garin

Oiartzun–Urnieta InfM txiki
Larunbata, 24. 11:15. Karla Lekuona

Urnietako jubenilak, igoera fasea: Amaikak Bat 2–0 URNIETA

Amaikak Bat 2–0 URNIETA
Igoera Fasea, JUBENILAK. Franen taldeak Debako Errotazar futbol zelaian ezin izan zuen punturik urratu. Egiari zor, emaitzak besterik adierazten baldin badu ere partida ona jokatu arren, agerian geratu zen egun bi taldeen artean dagoen aldea. Lehenengo zatian, bi taldeen jokoa berdintsua izanagatik gol aukerarik onenak gorritxoenak izan ziren, baina etxeko atezainaren geldiketa bikainak batzuetan, eta urnietarren punteria faltak besteetan, eragotzi zuten markagailuan aurrea hartuta aldageletara joatea.
Bigarren zatian, gehiago izan zen etxeko taldea, eta bi golak etorri ziren, eta handik aurrera ezer gutxi, debarrak jokoa kontrolatzearekin konformatu baitziren. Ia-ia espero zena gertatu zen, eta ez zitzaien hiru puntu garrantzitsuei ihes egiten utzi. Inondik espero ez zena zaletu batzuk harmailetan sortutako iskanbila izan zen, benetan lotsagarria.
Gorritxoek Behobiaren kontra jokatuko dute datorren larunbatean, eta etxeko puntuei ezin zaie ihes egiten utzi oraindik eskura dagoen hirugarren postua lortzeko.

Urnieta jubenilak 2 - 0 Aretxabaleta / Igoera fasea

Urnieta jubenilak 2–0 Aretxabaleta
Golak: Iban Bruna, Urru
IGOERA FASEA, KRONIKA. Urnietako jubenilek, aspaldiko partez garaipena lortu zuten larunbatean. Lehenengo zatian, bi taldeen arteko borroka ikusi zen, biek nahi zuten baloiaren jabetza lortu nahian. Baina, etxekoak izan ziren apurka-apurka nagusitasuna lortu eta bi goleko errentarekin atsedenaldira joan zirenak.

Bigarren zatian, atxabaltarrak partidaren bila abiatu ziren, baina denbora aurrera joan ahala, nekearen eraginez indarra galtzen joan ziren eta gorritxoek aprobetxatu gabe utzitako gol aukera ugari izan zuten partidaren ondarrean.

Orain bi astetako atsedenaldia izango dute eta apirilaren 17an Debako Errotazar zelaian bertako Amaikak Bat talde indartsuaren aurka neurtuko beharko dituzte indarrak.

Asteburuko partidak, martxoak 27-28

Urnieta Infantil txiki–Orioko

Larunbata, 27. 10:30. Urnieta

Urnieta Kadeteak–Zestoa

Larunbata, 27. 12:00. Urnieta

Urnieta Erregionala–Roteta

Larunbata, 27. 16:00. Urnieta

Urnieta Jubenilak–Aretxabaleta

IGOERA FASEA

Larunbata, 27. 17:45. Urnieta

Villabona–Urnieta Infantilak

Larunbata, 27. 11:00. Arratzain

Juanjo Arregi Euskadiko Selekzioko futbol entrenatzailea

Juanjo Arregi urnietarra Euskadiko Selekzioko futbol entrenatzailea da. 2009ko irailaz geroztik, 16 urte azpiko nesken entrenatzaile lanetan ari da urnietarra.

Nondik iritsi zinen Euskadiko Selekzioko entrenatzaile izatera?
Juanjo Arregi. Nazio mailako entrenatzaile nazional izateko ikastaroa 2009ko ekainean amaitu nuen. Hiru hilabetera, irailean Selekziorako deitu zidaten.

Non entrenatzen duzue?
J.A. Entrenamendu bakoitza probintzia desberdin batean egiten dugu. Herriarteko txapelketaren aurretik, esaterako, lau entrenamendu egin genituen.

Nola ikusten duzu nesken futbolaren egoera?
J.A. Egoera hobetzen ari dela esan daiteke,baina asko dago egiteko oraindik. Baliabideak ez dira ongi erabiltzen eta nesken kategoriak ongi erregulatu gabe daudenez, jauzi handia dago jokalarien eta adinaren artean. 14 urteko neska batek eta 30 urteko ama batek talde berean jokatu baitezakete.

Zer espektatiba edo aurreikuspen dituzue aurtengo urterako?
J.A. Bi fase jada jokatu ditugu. Abenduan Valentzian, eta urtarrilean Tenerifen. 4 partida jokatu genituen, horietatik 2 irabazi eta beste biak galdu egin genituen. Aurtengoz, gure parte-hartzea amaitu da Espainian. Orain deskantsatzea eta hurrengo urterako prestatzea etorriko da.

Zertan desberdinduko zenuke, nesken eta mutilen futbola, desberdintzerik balego?
J.A. Desberdintasunak badira, gorputzak desberdinak baitira. Neskekin nabilenetik ohartzen naiz ordea, neskak kirol honetan berriagoak direlako edo, askoz arreta edo interes gehiago jartzen dutela. Mutilak kasu horretan lasaiago ibiltzen dira.
Teknika erabilgarriak erakutsi eta gero partidatan ikasitakoa praktikan jartzen dute.

Euskaldunak eta Espainiako estatuko jokalariekin alderatuta, nola aurkitzen direla esango zenuke?
J.A. Euskadiko bi talde gara, 16 urte azpikoena eta 18 urte azpikoena. Bidaia berdinean bi partidak jokatzen dira, lehenik gazteena eta segidan helduena. 18 urte azpikoak esaterako, iaz, Espainiako Txapelketa irabazi zuen. Aurten ez dugu sailkatzerik lortu. Normalean, Euskadiko Selekzioaren kontra beldurrez jokatzen omen dute, normalean talde ona osatzen baitugu.
Katalunian, Valentzian... herrialde horietan ere selekzio indartsuak dituzte baina Euskadi ere puntako 4 edo 5 talde onenetan sartu ohi da, beraz, maila ona izan ohi dugu.

Real Union 1–0 Urnieta jubenilak

Igoera fasea, kronika. Lehenengo zatian joko ona egin zuten Urnietako jokalariek. Egoera guztiz kontrolpean izan ez bazuten ere denfentsa lan bikaina egiteaz gain gol aukerak ere sortu zituzten. Bi zehatz esanda, baina ezin izan zituzten gauzatu eta atsedenean markagailua estreinatu gabe joan ziren aldagelara bi taldeak.
Atsedenean urnietarren sentsazioak ez ziren txarrak, nahiz eta ondo jakin baja ugarien ondorioz ordezko bi jokalari bakarrik zituztela aulkitxoan eserita.
Ondo hasi zuten bigarren zatia ere gorritxoek, baina 20. minutuan etxeko taldearen gola iritsi zen. Jokaldi bikain baten amaiera ezin hobe batean, hain zuzen ere. Hala ere, Franen mutilak ez zuten partida galdutzat eman eta aurrera egiteko indarra eta adorea izan zuten, eta asmatu gabeko hainbat gol aukera sortzeko gai izan ziren. Azkenean, etxekoek gol bakarrari esker hiru puntuak poltsikoratu zituzten, baina zerbait nabarmentzekotan, urnietarren animoak ez zuela behera egin eta partida amaitu arte ez zutela amore eman. Aupa Urnieta!

Jubenil mailako taldea igoera fasean, larunbatean partida

IGOERA FASEA, PARTIDA:
Real Union–Urnieta Jubenilak
Larunbata, 20. 15:30. Gal stadium.

Asteburuko emaitzak, martxoak 12-13

Urnieta JubM 2–2 Baskonia
IGOERA FASEA, KRONIKA. Partida txarra ikusi zen larunbatean Urnietako futbol zelaian. Urnietak eta Baskoniak ez zuten jokorik erakutsi eta gol aukera gutxi sortu zituzten. Lehenengo zatia erritmo gabekoa izan zen eta baloi luzeak izan ziren nagusi. Hala ere, nahiz eta bi taldeek atera gutxitan iritsi gol bana eginda joan ziren atsedenaldira.
Bigarren zatian, berriz, gorritxoek bigarren gola sartu zuten eta baloia hobeto mugitzen hasi ziren, gol aukera batzuk sortuz, baina ate aurrean ez zuten asmatu. Partidaren amaiera aldera etxeko jokalari batek txartel gorria ikusi zuen eta orduan, talde donostiarrak aurrera jo zuen berdinketaren bila. Zoritxarrez, partidaren azken jokaldian baloiak etxeko sareetan bukatu zuen. Ez zen beste ezertarako denborarik izan. Orain, baja ugarirekin, asteburuan Irungo Gal bisitatuko dute Real Union taldeari aurre egiteko.

Gainerako emaitzak:
Urnieta Erreg. 1–1 Mundarro
Ikasberri 0–1 Urnieta KadM
Urnieta InfM 2–0 Idiazabal
Martutene 5–2 Urnieta Inf Txiki
Antigua A 0–7 Urnieta InfN F8

Asteburuko partiden emaitzak, martxoak 6-7

Urnieta Infantilak 2–1 San Tomas Lizeoa
Urnieta Infantil Txiki 0–2 Allerru
Urnieta Kadeteak 6–1 Mutriku
Ostadar 0–0 Urnieta Erregionala
Urnieta F8 Neskak 11–0 Amara Berri

ASTEBURUKO PARTIDAK
Urnieta jubenilak 0–1 Sanse
IGOERA FASEA
KRONIKA. Larunbat arratsaldean jokatu zen igoera faseko lehen itzuliko azken partida. Bi taldeek baja ugarirekin ekin zioten partidari. Lehenengo zatian joko aspergarria ikusi zen bi taldeen aldetik; eta golik gabeko emaitzarekin atsedenaldira iritsi ondoren bigarren zatian partidaren bila atera ziren bi taldeek. Gol aukera gehiago sortu zituen etxeko taldeak baina donostiarrek partida ondo kontrolatu zuten eta izandako aukera bakanetako batean hiru puntu balio izan zien gola egin zuten.
Talde gorritxoak lehen itzuli hau 4. postuan bukatu ondoren, larunbatean ekingo dio bigarren itzuliari Baskonia taldearen aurka etxean jokatuko duen partidarekin.

Azken partidatako hainbat jokaldi

Urnietako jubenilak, igoera fasea

Baskonia 1–3 Urnieta
Golak: Endika (3)
Otsailak 22. Ez zen partida ikusgarria izan astelehen gauean Martutenen jokatutakoa. Zelai erdian joko trabatua eta gol aukera gutxi ate batean zein bestean, baina urnietarrek ondo baliatu zituzten aukera gutxi horiek. Partidaren azkenaldian bi egunetan jokatzen zuten bigarren partida zela nabaritu zen bi taldeetako jokalariengan eta jokoak nabarmen behera egin zuen. Larunbatean Herrerako zelaian irabaziz sendotu lezakete astelehenean berreskuratutako sailkapeneko 2. postua.

Pasajes 2–1 Urnieta 1
Gola: Jon Ander.
Otsailak 20. Partida berdindua talde gogor baten aurkakoa. Ez zuten galtzerik merezi izan, baina arerioaren ate aurrean sortutako aukera ugariak aprobetxatzen ez zuten jakin. Arbitroren jarduna ere penagarria izan etxekoen joko gogorra behin eta berriz zigorrik gabe utziaz.

Igoera fasea, sailkapena. 7. Jardunaldia:
1.Sanse. 16
2.Urnieta K.E. 12
3.Real Union Club B 11
4 .Amaikak Bat F.T. 10
5.Eas-08 9
6.Behobia C.D. 8
7.Intxaurrondo C.D.B 7
8 .Aretxabaleta B Arizmendi 7
9.Pasajes C.D. 7
10.Vasconia C.D. 4

Jokaldi onenak Aiurri. com gunean:

• 2010-02-20. On Bosko zelaia. Pasajes 2–1 Urnieta. (Urnietako taldea jantzi urdinarekin)

• 2010-02-22. Martutene zelaia. Baskonia 1–3 Urnieta. (Urnietako taldea jantzi zuriarekin).

Asteburuko partidak, otsailak 27-28

Martutene–Urnieta KadM
Larunbata, 27. 13:45. Martutene

Mariño–Urnieta InfM
Larunbata, 27. 12:0. Artia

Zarautz K.E.–Urnieta Inf.Txiki
Larunbata, 27. 10:00. Asti Txiki

Urnieta Erreg.–Behobia
Larunbata, 27. 17:00. 17:00. Urnieta

Eas 08–Urnieta JubM Igoera Fasea
Igandea, 28. 16:00. Herrera

Asteburuko partidak, otsailak 20-21

Tolosa–Urnieta Erregionala
Larunbata, 20. 15:30. Urnieta

Pasajes–Urnieta Jubenilak Igoera fasea
Larunbata, 20. 11:00. Don Bosco

Baskonia-Urnieta Jubenilak Igoera fasea
Astelehena, 22. 20:30. Martutene (elurtearengatik atzeratutakoa)

Zestoa–Urnieta Kadeteak
Larunbata, 20. 12:30. Iraeta

Oiartzun–Urnieta Infantilak
Larunbata, 20. 13:00. Karla Lekuona

Urnieta Infantil Txiki–Kostkas
Larunbata, 20. 11:45. Urnieta

Sto. Tomas Lizeoa–Urnieta Infantil F8 Neskak
Larunbata, 20. 13:45. Berio

Asteburuko emaitza, otsailak 13-14

Sanpedrotarra 2–1 Urnieta Erreg.
Urnieta infM 3-1 Sanse
Urnieta JubM 1–2 Intxaurrondo
Golak: Ander Hernandez.
Kronika: Larunbateko partidan Franen mutilek kale egin zuten teoriz apalago zen talde baten aurrean. Lehen zatian erabakita geratu zen partida, kanpotarrak aurreratu ziren markagailuan eta etxekoek berehala lortu bazuten ere berdinketaren gola, donostiarrak atsedenaldiaren aurretik berriro aurreratzea lortu zuten urrutitik eginiko jaurtiketa batekin. Bigarren zatian, gorritxoek behin eta berriz izan zituzten gol aukerak baina ez zuten asmatu atea zulatzen eta partidak eta puntuak ihes egin zieten. Datorren asteburua berezia izango da, lehenik larunbatean goizeko 11:00etan Pasajes taldearen aurka jokatuko dute Oreretako Don Bosko futbol zelaian, eta datorren astelehenean iluntzeko 20:30ean jokatuko dute elurtea zela atzeratuta geratutako partida Baskonia taldearen aurka Martuteneko futbol zelaian. Ea bi garaipen lortu eta asteburu honetan galdutako sailkapeneko bigarren tokia berriro eskuratzen duten, animo mutilak!!!

Asteburuko partidak, otsailak 13-14

ASTEBURUKO PARTIDAK
Urnieta InfM–SANSE
Larunbata, 13. 11:30. Urnieta

Urnieta JubM–INTXAURRONDO
Larunbata, 13. 16:15 Urnieta

SANPEDROTARRA–Urnieta Erreg.
Larunbata, 13. 16:00 Trintxer

Jubenil mailako taldea igoera fasean bikain hasi da

Behobia 2–5 Urnieta. IKUS, JOKALDI ONENAK
Golak: Endika (3) Zinku, Dani.
Atsedenaldian: 1–1.
Etxekoen bi golak penaltiz eta urnietarren bat ere bai. Zelai txikia eta partida itsusia zelaiak ez duelako luzimenturako aukera handirik ematen.
Garaipen honi esker sailkapenako 2. posturaino igo dira (lehen bi sailkatuak igotzen dira) baina oraindik oso goiz da lau partida besterik ez baitute jokatu.

GAINERAKO TALDEEN EMAITZAK ASTEBURUAN
URNIETA KIROL ELKARTEA
ASTEBURUKO EMAITZAK
Urnieta Erreg.1–2 Amara Berri
Urnieta KadM 1–0 Zarautz
Ekintza 0–1 Urnieta InfM
Urnieta InfM Txiki 0–2 Oiartzun

Asteburuko emaitzak, hurrengo jardunaldia

URNIETA KIROL ELKARTEA
ASTEBURUKO EMAITZAK
Aloña Mendi 6–1 Urnieta InfM Txiki
Antigua 2–7 Urnieta InfN F8
Urnieta InfM 3–1 Billabona
Urnieta JubM 2-1 Amaikak Bat
Urnieta KadM 8–0 Ikasberri
Gure Txokoa 2–1 Urnieta Erregio.

ASTEBURUKO PARTIDAK
Urnieta Inf Txiki–Oiartzun
Larunbata, 6. 11:45 Urnieta

Ekintza–Urnieta InfM
Larunbata, 6. 12:00. Berio

Urnieta KadM–Zarautz
Larunbata, 6. 16:00. Urnieta

Behobia–Urnieta JubM
Larunbata, 6. 17:30 Artia

Urnieta Erreg.–Amara Berri
Larunbata, 6. 17:30 Urnieta

Jubenil mailako jokalariekin hizketan

Otsailaren 1a, astelehena. Asteko lehen entrenamendu saioa gozoa izango da, berri-berria delako lortutako azken garaipena. Joko bikaina erakutsiz, gainera. Gaur gustura entzungo dute Fran entrenatzaileak ohiko duen hizketalditxoa. “Gaur pozik ikusten dugu entrenatzailea”, bat datoz horretan Ivan Sardon erdilaria, Unai Lizeaga defentsa eta Iban Bruna aurrelaria. Minutu asko pilatzen ari dira hiruren artean, taldearen bizkar hezurra direla esan daiteke.

Zer moduz doa igoera fasea?
U.L. Nahiko ondo, etxean irabazten ari gara. Aurreko astean (urtarrilaren 22koa) huts egin genuen maila baxuagoko talde baten aurka galduz, baina nahiko ondo goaz.

Aste hauetako prestaketa saioetara bereziki motibatuta al zatozte?
I.S. Giroa ezberdina da, igoera fasean sartu garen lehen aldia delako.
I.B. Ondo goaz gainera, gaizki joanez gero “-zertara sartu gara hemen” esaka arituko ginateke. Baina ondo goaz, beraz, pozik gaude.

Zer nolako aurkariak topatu dituzue?
I.S. Maila beretsuko aurkarien aurka jokatzen ari gara.
U.L. Gu baino talde hobeagorik ez dagoela iruditzen zait. Maila beretsukoak eta baxuagokoak topatuko ditugu. Gure maila berean bi edo hiru talde izango dira, eta horien artean erabakiko da nor igoko den.
Jubenil mailan azken urtea duzue. Zuen helburua, beraz, taldea goian uztea al da?
I.S., U.L, I.B. Bai horixe!

Talde lanaren eredu
Fran Salagre entrenatzailea zelaian dago, eta lehen jokalariak aldagelatik irteten ari dira. Meritu osoa jokalariena dela dio, eta haien lana nabarmentzea nahiko lukeela gaineratu du, “igoera fasean sartu eta dena emateko erabakia ez da klubaren exigentzia izan, jokalariena baizik. Bat eginik daude eta erakusten ari diren konpromiso maila oso handia da”.
Futbolarekin gozatzen eta amesten jarrai dezatela luzaroan. Zorte on!

Jubenilak. IGOERA FASEA
Emaitzak, urtarrilak 30-31
Urnieta–Amaikak Bat 2–1
Golak: Mikel Miranda, Endika Garcia
Pasajes–Behobia 2–2
Sanse–Aretxabaleta B 6–1
Intxaurrondo B–Eas 08 2–3
Baskonia–Real Union B 2–3

Sailkapena, 4.jardunaldia eta gero:

1. 1.Sanse 7
2. 2.Real Union B 7
3. 3.Amaikak Bat 6
4. 4.Urnieta 36
5. 5.Aretxabaleta B 6
6. 6.Behobia 5
7. 7.Baskonia 3
8. 8.Eas 08 3
9. 9.Intxaurrondo B 1
10. 10.Pasajes 1

Urnieta Kirol Elkarteak benjamin eta alebin mailara zabaldu nahi du formakuntza

Urnieta Kirol Elkarteak benjamin eta alebin mailara zabaldu nahi du formakuntza. Horretarako futbol eskolak eskainiko ditu, 1998 eta 2001 urteen artean jaiotako haurrentzat.
Eskolak Urnietako futbol zelaian eskainiko dira 16:45 eta 17:45 artean, astearte edo ostegunetan. Eskolarteko kirol jarduerak dituzten haurrak asteartean ager daitezke, eta gainerakoak asteazkenean.
Hilabeteko 16 euro ordainduko dira, 20 euro kiroldegiko kide ez diren kasuetan. Izen ematea kiroldegian bertan izango da otsailaren 12ra bitarte.
Argibide gehiago Kiroldegian eta Urnieta Kirol Elkartean. Kirol jarduera guztiak euskaraz burutuko dira.

Asteburuko emaitzak, urtarrilak 30-31

Aloña Mendi 6–1 Urnieta InfM Txiki

Antigua 2–7 Urnieta InfN F8

Urnieta InfM 3–1 Billabona

Urnieta KadM 8–0 Ikasberri

Urnieta Jubenilak 2–1 Amaikak Bat

Gure Txokoa 2–1 Urnieta Erregio.

Bazkide kuotak

URNIETA KIROL ELKARTEA
BAZKIDE KUOTAK 2010
Urnietako kiroldegian 35 euroko urteko kuota ordaintzeko aukera martxan izango da otsailaren 1etik aurrera. Iaztik kide direnek zuzenean egin dezakete diru sarrera 2101 0068 73 0002963783 Kutxako kontu korronte zenbakian. Elkarteko arduradunek bazkide egiteko deia luzatu dute.

Jubenil mailako taldea, igoera fasea

Emaitzak, urtarrilak 30-31
Aretxabaleta B–Urnieta 4–3
Eas 08–Baskonia 1–3
Amaikak Bat–Pasaia 5–2
Behobia–Intxaurrondo B 2–2
Real Union B–Sanse 1–1

Sailkapena, 3.jardunaldia eta gero:
1.Amaikak Bat 6
2.Aretxabaleta B 6
3.Behobia 4
4.Sanse 4
5.Real Union Club B 4
6.Urnieta 3

Asteburuko emaitzak, urtarrilak 16-17

URNIETA INFANTILAK F8 NESKAK 3–1 INTXAURDI
Intxurre 1–6 Urnieta infantilak
URNIETA kadeteak 7–0 MARTUTENE
URNIETA JUBENILAK 3–0 R.UNION B
BETI ONA 0–0 URNIETA Erregio.

Asteburuko partidak, urtarrilak 16-17

Intxurre–Urnieta infantilak
Larunbata, 16. 10:00. Elorri

Urnieta Infantil Neskak–Intxaurdi
Larunbata, 16. 10:45. Urnieta

URNIETA kadeteak–MARTUTENE
Larunbata, 16. 12:00. Urnieta

Urnieta Jubenilak–Real Union B
Igoera faseko partida!!
Larunbata, 16. 12:00. Urnieta

BETI ONA–URNIETA Erregionala
Larunbata, 16. 15:30. Beraun

Asteburuko partidak BERTAN BEHERA GERATU ZIREN, urtarrilak 9-10

Hernani1–2 Urnieta Jubenilak
Golak: Endika Garcia.
Urte hasiera ezin hobea: lehen faseko azken partidan auzokoen etxean –hernaniarrak, kasu honetan– garaile eta garaipenarekin batera lidergotza. Balentria ederra, inondik inora. Igoeraren bila abiatuko dira larunbat honetan, Martutenen. Aste hauetan galtzak bete lan izango dute paper txukuna egiten, oso talde indartsuen aurka neurtu beharko dituzte eta indarrak.

ASTEBURUKO PARTIDAK
Aralar Intxurre–Urnieta Infantil Txiki
Larunbata, 9. 11:00. Elorri
Sanpedrotarra–Urnieta Erregionala
Larunbata, 9. 16:00. Txintxer
Baskonia–Urnieta jubenilak
Igandea, 10. 12:15. Urnieta